【 #入校紀錄 @ #石籬聖若望天主教小學】美好社區，那些事物，那些人

疫情之下，小學全面暫停面授課堂，原本已經安排好嘅社區考察改由網課形式進行。今日， 石籬聖若望天主教小學嘅林穎謙老師 就拎住手機直播課堂，走入石籬社區，帶同學仔認識無障礙設施！

行出校門嘅馬路口，地下就已經有導盲磚；紅燈、綠燈、閃燈嘅時候，過路裝置會發出不同聲響。街市、公園入口有無障礙通道，方便輪椅人士......其實只要細心觀察，大家就會發現喺社區設計嘅過程入面花咗唔少心思，希望可以便利有唔同需要嘅人。

唔知道大家又認唔認識自己社區入面嘅無障礙設施？
​
喺「旅程」最後，學生們仲透過手機訪問社區嘅街坊，「伯伯，你喜歡這個社區嗎？」「姨姨，你覺得社區的設施足夠嗎？」即使係網課，都無阻同學嘅投入。佢地對社區有一顆關懷嘅心，嚟緊佢哋仲會向有關部門建議改善社區嘅方案。希望呢一波疫情快啲完結，同學仔到時就有機會喺上課時間，親身同街坊接觸喇！